發新話題
打印

[Mindstorms] [WRO2013冠軍作品] 兵馬俑天下太平遊戲

[WRO2013冠軍作品] 兵馬俑天下太平遊戲

免責聲明:
里件作品係做黎参加比賽,而賽規冇限制LEGO同非LEGO零件既比例同電子零件既種類,所以運用左大量非LEGO同土炮電子零件,我地寫既控制程式上都唔單止有NXT既程式,因為作為一件機械人比賽作品,我地只會考慮點樣用手上有既資源係唔犯規下做好一件事,而唔係從LEGO可以做到咩去決定做D咩,同埋LEGO味重唔重。所以唔鐘意里個唔係全LEGO project既朋友,你可以禁一下backspace或者上一頁。如果你係都要睇既,我唔介意你以一個機械人、電子或者電腦既一個宏觀角度去睇里個project,但係我冇咩興趣同你辯論里個project點解唔係全LEGO,因為咁樣肯定會火花四起。


各位新年快樂! 首先送上套機械人入面有既一架馬車:


里套機械人係我team人參加2013年既國際奧林匹克機械人大賽既香港區選拔賽同係印尼搞既國際賽砌既。係香港係創意賽冠軍,係國際賽就因為各種大家都唔想提既複雜因素未有獎攞,不過比賽成績就另一回事啦,就著一個LEGO同機械人既玩家黎講,超越到自己先係最重要既。而的確,里組機械人可以話係我暫時做過最複雜同最完全既機械人。

機械人係圍繞住世界遺產里個比賽主題黎設計,佢既目的係透過遊戲去推廣中國既兵馬俑。而為左設合兵馬俑,我地簡左天下太平 (80同90後既朋友應該會會心一笑) 作為里個既遊戲。我地亦都用左增強實景既方法黎係熒幕上顯示兵馬俑同埋比玩家做一D操作同動畫,即係隨左機械人之間既溝通之外,電腦都要幫手做一D圖像既運算,再交比機械人。里個電腦同機械人之間既互動可以話係系統係技術上既最大賣點,亦都係我第一次嘗試做到既野。

如果我要講晒既話,開場4個鐘lecture都唔夠呀,其他野遲D問啦,去圖:
系統全貌


城堡:
每個玩家都有一座城堡,佢會顯示天下太平4個字同三支軍旗既情況,玩家亦可以透過轉盤輸入包剪揼同禁制操作個系統


轉盤下面用color sensor讀簡左咩

而係控制果4個字同三支軍旗方面,我地大可以用7個摩打既,但係咁我地覺得太straight forward太雞所以做左一個兩個摩打7個功能既multiplexer (嗯...... 有d Technic旗艦既味道......)


派卡機:
係座大野後面有一部機,佢既設計地位係系統既主持,系佢去指指點點邊部機做D咩同管D分數既。所以佢駁住一件土炮既router,用serial同其他裝置溝通。

佢可以派牌。牌上面既圖案代表唔同士兵,佢可以比電腦既webcam認到,然後display個兵既樣出黎。

識玩天下太太既朋友都會知道要搓包剪揼,咁輸入緊包剪揼當然就唔想比人睇到架啦,所以派卡機都控制左兩個燈籠,當兩個玩家都confirm左包剪揼既時候,燈籠會轉,顯示番玩家簡左咩以示公正。


馬車:
最後就係我覺得最正果個model,里架馬車係game over之後會出黎係勝方舉牌,兩隻馬係真係用腳行既,車轆冇摩打推佢地。


我知大家都流晒口水想睇佢地郁架啦:
http://www.youtube.com/watch?v=kbY8OAkI7Pk

[ 本帖最後由 TycoonCoaster 於 2014-1-31 16:57 編輯 ]




本帖最近評分記錄
  • a4victorwong32 人仔倉資產 +3 精彩作品 2014-2-5 10:51
  • bee227 人仔倉資產 +1   2014-2-1 02:04

TOP

哇,犀利

TOP

發新話題