11 12
發新話題
打印

[Technic] 巨獸級礦場卡車 Extreme Large Mining Truck

巨獸級礦場卡車 Extreme Large Mining Truck

一部完全自家設計的礦場卡車

小弟又一全MOC新作「巨獸級礦場卡車 ExtremeLarge Mining Truck」今次這部車沒有神級達人指引下所有設計上完全靠自己,由上年公報42035原來是迷你版(其實有點失望)卡車之後我一直都好想整部大卡車係可以親得到42030.由於心中太多Technic項目要實行所以去到3月尾才正式動工.

當我調整比例個時就出現問題,原來用42030車胎94.8mm整出來部車都係好細架,比例上最多只能達到Caterpillar775G的體積.如果想整更大體積唯有用其他品牌的車胎,於是就四處找尋唔同可行性及問過唔少外國達人.最後有位外國人給我指示原來美國公司RC4WD 2.2系列的車胎係可以用係LegoWheel. 但唯一只有Legopart no: 22969 (Wheel)係可以支援大多數RC4WD2.2車胎.Lego 22969 可支援車胎由110mm直徑– 146mm 直徑. 咁我最後選擇132mm直徑MIL-SPECZXL 2.2 TIRES 石胎係最似卡車用的.

不要計價錢去馬吧...... 由於Lego22969 (Wheel)2001年產物,全新已很難找到,二手都要70HKD一個未連運費.部車要6個咁就唔見500舊了...至於 RC4WD132mm車胎一個要12.5USD一個,要六個連運費咁又唔見8舊幾...

由於車胎大了很多,technic人仔作比例部車就可以整到Caterpillar795F緊次於旗艦Caterpillar797F.原本有打算砌部797F,但車胎直徑需要達到196mm比例才似797F,由於個wheel唔可以再用Lego,第三方公司Wheel與原廠Lego接合位會出現好多問題...所以放棄797F

收集Parts:一部42030材料(本身諗住買多盒42030,但由於未係靚價所以拆左我部42030,日後靚價再入)+ 255X11黃色板+ 千幾蚊6條車胎+ 大量1X15, 1X13, 1X11 1X9,,及其他裝飾配件

PowerFunction: 2X XL motor 動力,1X L Motor 泥斗起落裝置,1X servo motor 轉向,2X IR receiver

動工了...

            
  • 先講泥斗        - 由於大面積泥斗加上寬度超過30格會變得好軟,        要善用part        no: 32556 及係大面積板下加橫條強化結實程度,        5X11面板唔好用得過多,        板與板之間要加長條1X15,1X13,        咁就好易強化泥斗.
  • 懸掛系統        - 因為車身太大呢部份係難攪D.        所以改動次數最多,        起初設計用返42030連接Wheel部件,        但車tire轉向角度太大而唔岩用要改,        攪點左轉向角度問題由於車頭未完成當時無咁重,懸掛系統測試無問題,但後來成部車外型部份都完成左個時車頭重量已超過1700g,        當時懸掛系統即出問題,        又要大改...        改呢部份花了唔少時間.
  • 車架        - 由於真實卡車設計車架是傾斜,        強化傾斜車架要上下左右都要加固,        由於車身好重所以強化工程都改動過好多次.
  • 升起泥斗部份        - 由於Lego油壓件太短,        所以我改左係近車尾位置升起,        























後記:

一部完全MOC自家設計的作品的確好好好好玩,比之前大貨車,挖泥機MOC難度提升左好多好多,成功感比之前半MOC多好多,係制作的過程會出現好多未知知數加上要花更多時間去研究車架,車斗,動力裝置.又裝又拆N咁多次除左腰痛之外手指難免會很痛,有小小心得關於全MOC,1)選定心水車或機械裝置2)透徹了解結構和運作,好似呢部卡車我無得實地睇,咁就youtube睇相關片3)找尋部車Frontview,Size viewTopview 清楚相或設計圖就更好4)預先測試動力運作和車架結實程度5)計算需要材料6)評估整個項目可行性能否達到8成以上 7)Let shopping... 8) 動工

原本計劃四月底可完成特大礦場卡車項目,但最近呢兩星期小弟事業遇上番天覆地的變化,所以攪到無曬心情去創作樂高,因此延遲左好多先完成,直至現在先可以向大家分享作品,多謝觀賞

下一個項目已諗好了,唔玩礦場同工程車今次重返城市......

開玩笑...






[ 本帖最後由 shineyu 於 2015-5-12 15:51 編輯 ]




本帖最近評分記錄
  • dennisdom 人仔倉資產 +10 精彩作品 2015-7-20 17:02
  • a4victorwong32 人仔倉資產 +30 精彩作品 2015-5-15 22:12
  • roger528 人仔倉資產 +3 精彩作品, 好正~~ 2015-5-13 22:44
  • kawing_1125 人仔倉資產 +3 精彩作品 2015-5-13 00:04
  • lk_brick 人仔倉資產 +5 精彩作品 2015-5-12 12:45
  • 神風暗影 人仔倉資產 +5 精彩作品 2015-5-12 06:24
  • Alywin 人仔倉資產 +5 精彩作品 2015-5-11 22:07
  • newsos2 人仔倉資產 +5 精彩作品 2015-5-11 13:38

TOP

比例控制得好好,
我諗由構思到完成至少都要三個月吧~
如果有聚會的話,可以拿作品出來和大家分享嗎?
精彩作品~
我個FACEBOOK,大家可以在這裡找到我~
https://www.facebook.com/legomasterpiece

TOP

回復 2# 的帖子

絕對需要3個月時間, 一月份開始有構思當時手上有挖泥機項目所以4月初先動工, 資料收集都要花唔少時間心基,有去過安達巨觀察下D卡車但佢地用既型號唔係咁巨大, 所以要靠睇片,相,設計圖...

有聚會當然可以分享下,

TOP

LEGO原廠真係好難有架咁重份量的 MININE TRUCK! 要唔上埋IDEA , 睇下有冇機會出!
THANK FOR SHARING

TOP

靚到不得了!Technic 係好難MOC㗎! 繼續等睇你啲傑作。

TOP

哇,包裝封面好逼真啊

TOP

我一睇見呢d車就諗起成龍"一個好人"..

lego有咁大個車輪出過?
https://www.facebook.com/profile.php?id=100004500438061

TOP

這不是樂高原廠車太,是另一搖控車品牌叫RC4WD, 但個轆令就係樂高原廠,

TOP

試下上埋 LEGO IDEA 呀! 希望會有出現之日, 因到現在都未有一架有份量的 TECHNIC MINE TRUCK 出現

TOP

真的超级赞的哦,可以看得出花了很多的时间和精力,非常的厉害

TOP

 11 12
發新話題