發新話題
打印

[經驗] 學真係好難呀....

學真係好難呀....

學鋼琴真係好難呀....



本身我對學鋼琴真係一曉不通,只因為想比一個意外驚喜男朋友先比錢去學,佢已經有演奏級,當然我係比唔上佢咖啦。其實之前佢都有教過我嘅,只可惜我手腳真係有啲唔協調,總係彈唔完一首歌。今年係我地拍拖第三年,好想係紀念日比一個意外驚喜佢,令佢永遠記住。我亦揀左一首佢好中意嘅歌,《vincent》去學。我每一日都花三小時去練琴,但總係好似腦生草咁,永遠都跟唔上拍子。



我開始想放棄了,我天生唔係學琴嘅材料,無論我點努力都好,連一首歌都跟唔上。當我想放棄之時,我的鋼琴老師因為中風而入左醫院....我收到呢個消息好震驚,我馬上去到醫院探望佢,佢只淨下一半的說話能力,連企起身都困難。我去探望佢時,只看到他的家人不斷地安撫佢嘅情緒。我亦不敢走上前,只令佢更加激動。



我回家時不斷思考,點解呢個世界咁唔公平,會令一個咁有才華嘅人中風,令佢承受生不如死,因為我老師其實係一個熱愛音樂嘅人,佢總係說音樂係我地嘅靈魂,如果音樂不存在於世上,佢就不會存在。佢深信音樂係可以治癒一切,但佢而家莫講話彈琴,佢嘅演奏級再無作為了,佢連水都拎唔起呀。



我地人生花上太半生都係追求上,到底我地追求嘅係啲乜,我地可以一夜之間無哂所有野,反之人生無風無浪嘅人又係唔係幸福呢。我而家學鋼琴只係為左男朋友,而我本身係一個文員,每日都好悶咁處理文件。到底我咁做係為左啲咩呢?



我每日都捱生捱死咁工作工作同工作,氹男友,我到底有啲咩係為左自己而做,我所有賺嘅錢都比左一大半係交租嘅,點解我要為左呢啲野浪費我嘅人生,可能有一日我就會好似老師咁郁都郁唔到。演奏級更不值一提。我地係咪時侯反思下?



我隔左兩日再去探老師,佢心情己經平靜多了



我「老師,我最近好比心機學琴呀,你感覺點呀?有無啲咩唔舒服?」



師「我好番好多了,我而家同一個廢人無分別,我唔明點解我仲要係呢個世上生存。你可唔可以幫我,唔好令我再咁辛苦?」



我「老師,你唔好咁講啦,我知你而家係經歷緊好大嘅難闗,但係....」



我未講完就走左出門口了,我唔忍心呃佢。我怕我再講落去只會令佢更加唔開心。



我將呢件事同男朋友講左,因為我已經唔可以再學鋼琴了,我亦無呢個心情,佢知道左呢件事之後,同我講。



男「你知道嗎?將來嘅事我地永遠都唔會有答案咖,我地點可以因為呢啲未知嘅事而驚左先呢。我地人生係好短暫,我地先要更加捉緊呢啲時間做想做嘅事,而龬琴就係我人生不可缺嘅,我從來都無後悔過,我而家雖然係演奏級,但我永卜土口金嘅初衷都不變的。」



待續....




TOP

發新話題